غضبــان مننــا و لا علينـــا يا رب؟

غضبــان مننــا و لا علينـــا يا رب؟

اوقات بحس اللى بيحصل ده غضب منك يارب

بس اللى مخوفنى غضب من ولادك
ولا غضب على ولادك

غضبان مننا يارب لان اوقات بنشك فى وعودك

قلت نقشتكم على كفى
قلت من يمسكم قد مس حدقه عينى
قلت هدافع عنكم وانت صامتين وساكتين

واحنا بردو شاكين
انت فين انت فين يارب ومستنى ايه تانى

يحصل ؟
عشان تجيبلنا حقنا

بنكلمك يارب وكأن فاهمين اكتر منك وكأن بنعرفك شغلك
بنقولك اعمل كذا واعمل كذا

غضبان مننا ليه يارب ؟؟

طيب فهمنى يارب
الدنيا اللى مقلوبه تحتيك ديه يارب
بسبب ايه

اقولك اتخيلت ايه
اتخيلت يارب والناس عماله تقول تلاتين سنه تلاتين سنه
طيب هما فاقوا ليه دقلوقتى

ولا عشان ايه فاقوا

ولا ديه قرصه ودن يارب
ولا ديه تحقيق لوعودك يارب

عارف اتخيلتك يارب بتقوله
اتفاسد واتظالم واعمل كل اللى فى سلطتك
لكن عند ولادى وقف
متلمسهمش
حسيتك بتقوله انت مفروض تكون مسئول ترجع حق ولادى اللى بيتسفك كل عيد ميلادى
الناس مش عارفه تفرحلى بميلادى ولا تحزن بانتقال اولادها وبأستشهدهم

عند ولادى وقف
دول مش من ضمن صلاحياتك ولا من تحت سلطتك دول ليهم ملك لوحدهم وانا
وعدتهم, هحزن على حالك بس سامحنى حزنى على دموع ولادى اقوى من حزنى من
اللى هيحصلك ولى وصلت نفسك ليه

حسيت ده يارب ردك على كل اللى حصل

فى نجع حمادى والعمرانيه والاسكندريه حسيت يارب ان افعالهم بقت لعدم فرحه الناس بيك
يعنى بيشوفوا وقت فرحتنا بيك ويموتوها جوانا

عارف يارب الناس عماله تقول عملنا

وحققنا وانجزنا
ميعرفوش ان ده يارب خلاصك ووعودك بتتحقق
وهما مجرد اداه

صدقنى يارب مش عارف غضبان مننا ولا علينا

بس فى الحالتين بنطلب انك ترفع غضبك عنا

لان يارب لو شكينا فبنشتكى منك ليك على المهله الكبيره اللى بنحس فيها اننا لوحدينا

]سامحنا + وساعدنا

منقوول